பின்னல் நகரம்

நாளைய இயக்குனர் இறுதிப்போட்டிக்குமுன்

2011-07-24T02:50:00.000-07:00

நண்பர்களே நாளைய இய
க்குனர் நிகழ்ச்சியில் இறுதிப்போட்டிவரை வந்துவிட்டேன்.

இதுவரை வந்ததில் கற்றதும், பெற்றதும் ஏராளம்.

ஒவ்வொருமுறையும் திருப்பூரிலிருந்து

அடித்து பிடித்து சென்னை செல்வது

சிரம்மாக இருந்த்தாலும் சுகமா அனுபவம்தான்.

நாளைய

இயக்குனர் நிகழ்ச்சியில் கலந்துகொள்ளாமல் இருந்திருந்தால் சென்னை எனக்கு இ

ன்னும் அந்நியமாகவே இரு

ந்த்திருக்கும்.

எழுத்தாளர் எஸ்.ராமகிருஷ்ணன் சார் அவர்கள் எழுதியிருந்த்ததுபோலவே சென்னை செல்லும் இல்லமற்ற யாவரும் எதிர்கொள்ளும் தலையாய பிரச்சனையான கழிப்பதும், குளிப்பதும்

நானும் அதை எதிர்கொண்டேன். அப்புறம், இசையமைத்துக்கொடுத்த நண்பர் வசந்த் அறிமுகத்தால் தங்குமிடம் பிரச்சனை தீர்ந்தது அதற்குப்பின்னர் தற்போது எடிட்டர் ஜோமின் அறை வேடந்தாங்கலாக இருக்கிறது.

ஆரம்ப நாட்களின் சக போட்டியாளர்களுடன் சகஜமாக பேசமுடியவில்லை.

நிகழ்ச்சி முடிந்த்ததும் அவசர அவசர

மாக திருப்பூர் கிளம்பிவந்துவிடுவதாலும் இரண்டு மூன்று சுற்றுவரையிலும் சக போட்டியாளர்கள் யாராரென்றுகூட தெரிந்துகொள்ள முடியவில்லை.

அரையிருதி சுற்று முடிந்த்ததும்தான் எல்லோருடனும் நல்ல பரிச்சயம் ஏற்பட்டது.

இப்போது இறுதிப்போட்டிக்கு நுழையும் பத்து போட்டியாளர்களுமே நண்பர்களாக ஆகிவிட்டார்கள்

(நான்,ராம்,அருண்,ராகேஷ்,ரமேஸ்,கல்யாண்)

1.ராம் -- நீண்டகால நண்பர்களாக இருக்கிறோம்.
நான் பார்த்தவரையில் ராம் எதையும் டீடெயிலாக செய்யக்கூடியவர். விசுவல் திங்கிங் உள்ளவர். கூடவே கார்டூனிஸ்ட் வேறு.
மனதில் நினைப்பதை வெளிப்படையாக பேசாததே இவரது குறை. (திருப்பூரில் இருந்து நாங்களிருவரும் ஒன்றாகத்தா

ன் நாளைய இயக்குனர் நிகழ்ச்சியில் கலந்துகொண்டோம்)

2.ரமேஷ் - நிகழ்ச்சியில் எனக்கு கிடைத்த மிக நெருக்கமான நண்பர்.
இவருடைய ஸ்பெசலே வெளியே யோசிப்பதாக, குழப்பமாக இருப்பதாக சொல்வது (இவர் என்ன செய்யப்போகிறார் என்று முடிவெடுத்துவிட்டு பிறகுதான்!!!? ) பிறகு கடைசியில் தீர்க்கமாக படம் கொடுப்பார். குழப்பமில்லாத ஸ்ராங் மேன்!

3.அருண்குமார் - நான் பார்த்து மிகவும் ரசித்த படங்களை எடுத்த இயக்குனர். அதிகமாக இவருடன் பழகியதில்லை பழகவேண்டுமென்று ஆசைப்படுமளவு இருப்பவர்.

பெரிய ஆளாக வருவார்.

இவரோடு ஒன்றாக நிகழ்ச்சியில் கலந்துகொண்டது பின்னால் பெருமையளிக்கும் விசயமாக இருக்கப்போகிறது பாருங்கள்.

4.கல்யாண் - இவர் சாதாரணமான மனிதரே இல்லை. அசாதாரணமானவர்.

நாங்களெல்லாம் ஒரு படத்தை முடிக்க பணத்தாலும், மனதாலும் சிரமப்பட்டுகொண்டிருக்கும்போது அவை இரண்டையும் சர்வசாதாரணமாக கையால்பவர்.

இனிக்க,இனிக்க பேசும் இனிமையான நண்பர்.
என்றென்றும் இவரோடான நட்பு தொடரவேண்டும் என்று ஆசைப்படுகிறேன்!

5.தீபன் -- எப்போதும் காலில் ஷீவேடும், மழித்த கன்னங்களும், நுனிநாக்கு ஆங்கிலம்,டக் இன் பன்னிக்கொண்டு ஐ.டிஇளைஞராக (உண்மையிலையேயே) வலம் வருபவர். தனக்கெனஒரு சினிமா பாணி வேண்டுமென்பதில் முனைப்புடன் செயலாற்றுபவர். வெற்றி தோல்விகளை சமமாக சந்தித்திருந்தாலும் உற்சாகமாக வலம் வருபவர். nice man!

6.ராகேஷ் -- இவரும் ஒருவகையில் தீபனை போலவே இருப்பார். ஆங்கிலப்படங்களைப்போல ஒரு ஸ்டைல் இவரது படங்களில் தெரியும். ஆரம்ப நாட்களில் இவரோடு பழகாமல் விட்டுவிட்டோமே என்று இப்போது வருந்துகிறேன். உதவிக்கரம் நீட்டுவதில் தயங்காதவர். எனக்கு பிடித்தவர்.

7.ராஜ்குமார் -- இவரை பார்த்து ஆரம்ப நாட்களில் கொஞ்சம் பொறாமைப்பட்டது உண்மை. இவரோடு சேர்த்து நம்மை போட்டிக்கு விட்டுவிடக்கூடாது என்றெல்லாம் நினைத்திருக்கிறேன். இவருக்கென்று ஒரு குழு ஸ்பெசலாக இருக்கிறது. நச்சென்று படம் எடுப்பவர் . இவரோடு சேர்ந்தாற்போல ஐந்துவார்தைகளுக்குமேல் பேசியதில்லை அதுவும் இப்போதுதான். ஆளுமை மிக்கவர்.

8.அழகுராஜ் - -- இவர் நிகழ்ச்சிக்கு உதவி இயக்குநராகவும் இருப்பதால் நான் அதிகம் பேசியது இவரோடுதான். வெளிப்படையான வெகுளியான நல்ல நண்பர்.

எத்தனையோ வேலைகளுக்கு மத்தியில் படம் பண்ணியவர். குடுமி வைத்த மஹிழ்ச்சியான அண்ணன்!

9.தமிழ்சீனு -- இவர் ஹைத்ராபாத்தில் இருந்த்து வந்து நிகழ்ச்சியில் கலந்துகொண்டு செல்பதாலும் என்னவோ இவரோடு சொற்பமாகதான் பேசியிருக்கிறேன். இனிமையானவர். ”மிரட்டலான” மேக்கிங்கில் படம் எடுப்பவர். சவுண்ட் இஞ்சினியராக இருக்கிறார்.

10.நான்

போட்டியாளர்கள் எல்லோரும் ஒரு காலைப்பொழுதில் ஒன்றாக தி நகர் நடேசன் பூங்காவில் அடுத்து இறுதிப்போட்டிக்கு தயாராகும் முன்னோட்டமாக ஒரு ஜாலியான கலந்துரையாடல்

இது தவிர நிகழ்ச்சிக்கு வந்து அறிமுகமாகி என்னோடு பயணித்த

ஒளிப்பதிவாளர்-அரவிந்த், -சங்கர்

இசையமைப்பாளர்-வசந்த்,- பிரபுசங்கர்

எடிட்டர்- மனோஜ்,- ஜோமின்

மற்றும்ஆரம்பகாலம் தொட்டு எனக்கு மனதளவிலும் உற்றநண்பனாக இருக்கும் ”கிராபிக்ஸ்” ஜெகதீசன்

ஆகிய எல்லோருடனும் நீண்டகாலம் பயணிக்க இதுவொரு நல்ல தொடக்கமாக நினைக்கிறேன்!.

இப்போது இறுதிப்போட்டிக்குள் நுழைகிறோம்.

வெற்றிபெற கடுமையாக உழைக்கவேண்டும்.

வெற்றி யாருக்காக இருந்தாலும் காழ்ப்புணர்ச்சியின்றி நட்பு என்றென்றும் தொடரும்...

நாளைய இயக்குனர் அரையிருதிப்போட்டியில் எனது படம் “பார்வதியக்கா”

2011-07-19T08:34:00.000-07:00

நண்பர்களே கலைஞர் தொலைக்காட்சியின் நாளைய இயக்குனர் நிகழ்ச்சியில் அரையிருதிப்போட்டியில் “கிராமத்து கதைகள்” என்பது தலைப்பு.

கிராமத்துக்கதைகளுக்காக ஏராளமான சிறுகதைகளை படித்து

சோர்ந்ததில் ”சேர்தளம்” நூலகத்தின் உதவியால் “ஜெயந்தனின் கதைகள்”ல் இருந்து படித்த

“கடலடிப்பிரவாகம்” சிறுகதை எனக்கு பிடித்திருந்தது

அந்த கதையை தழுவி சிலபல மாறுதல்களை செய்து எடுத்த படம்தான் “பார்வதியக்கா”

சத்தியமங்கலத்தில் சிக்கரசம்பாளையத்திலும்

, பெரியகுளத்திலும் மூன்றுநாட்கள் படப்பிடிப்பு நடத்தினோம்.

ஏராளமான நண்பர்களின் உதவியே இந்த

படம் உருவாவதற்கு அடித்தளம்!

ஒளிப்பதிவாளர் ஷங்கரின் உழைப்புக்கு படம் நிகழ்ச்சியில் சிறந்த ஒளிப்பதிவிற்கான பரிசை பெற்றது.

படத்தை பாருங்கள் உங்கள் மேலான கருத்துக்களை கூறுங்கள்!

parvathiyakkaa short film

நாளைய இயக்குனர் கால்இறுதி சுற்றில் நான் “அப்துல்லா சிவா டேனியல்”

2011-04-26T06:44:00.000-07:00

நண்பர்களே கலைஞர் தொலைக்காட்சியின் நாளைய இயக்குனர் நிகழ்ச்சியில் கால் இறுதி சுற்றில் “ஆக்சன் கதைகள்” தலைப்பிற்காக நாங்க எடுத்த படம் “அப்துல்லா சிவா டேனியல்”.

ஆக்சன் கதை என்றதுமே பற,பறவென்று ஒரு கதை பண்ணலாம் என்று உள்ளூர நிறைய ஆசை. அதற்க்காக ஒரு ஆக்சன் சீன் பிடித்தால் கதை அமையைல்லை சரி கதை பிடித்துவிட்டு அதில் ஆக்சன் சேர்க்கலாம் என்றால் அப்பிடியான ஆக்சன் கதை கிடைக்கவில்லை.

படத்தை சமர்ப்பிக்கும் நாளும் நெருங்கிவிட்டது. இனி வேறுவழிகிடயாது ஏதாவது கதை பிடித்தேஆகவேண்டுமென்ற இக்கட்டு.
“சே” என்னடா இது என்று ஆகிவிட்டது.
ஒவ்வொரு முறையும் அடுத்தபடத்தை அப்படி எடுக்கவேண்டும்,இப்படி எடுக்கவேண்டுமென்று நினைத்து எப்படியும் எடுக்கமுடியாமல் மொட்டதாசன் குட்டையில் விழுந்த கதையாக திரும்ப,திரும்ப குழப்பம்,குழப்பம் மேலும் குழப்பம்!

”ஒரு கிராமத்தில் கூலிப்படையை சேர்ந்த ஒருவன் பஞ்சாயத்துத்தலைவரை கொல்வதற்க்காக செல்கிறான் அதுதான் அவனது முதல் கொலை முயற்ச்சி” என்று அந்த கதை களனில் ஒரு கதை யோசித்து இருந்தேன் கேட்டவர்களெல்லாம் அது அதரபழைய மேட்டர் என்றார்கள் அதையும் தூக்கிதூர கடாசிவிட்டு அமர்ந்திருந்தேன். சிறுகதைகளில் ஆக்சன் வகையை சேர்ந்த
சிறுகதைகளே நான் படித்தவரை கிடைக்கவில்லை.

கேபிள் சங்கை அவர்களின் “அப்துல்லா சிவா டேனியல்” சிறுகதையை பிளாக்கில் வந்தபோதே படித்திருக்கிறேன் அந்த கதை மீது எனக்கு அவ்வளவு ஒட்டுதல் இல்லை. இப்போது அந்த கதையை நண்பர்களிடம் கூறியதில் “நல்லாருக்கே” என்றார்கள் எனக்கும் இப்போது ஓகே என்று பட்டது

ரெடி ஸ்டார்ட்....

எடுத்து சேர்த்துவதற்க்குள் போதும்,போதுமென்றாகிவிட்டது.நண்பன் ஜெகதீஸ்ன் கிராபிக்ஸ் படத்திற்க்கு பலம் அவனை இன்னும் முழுமையாக பயன்படுத்தவே இல்லை.

படத்திற்க்குள் இரண்டு கார் வருகிறது அந்த காரை கொடுத்து உதவி அதற்கு டீசலும் போட்டுகொடுத்த “ராஜ் அண்ணன்” அவர்களுக்கு பெரும்நன்றிக்கடன் பட்டிருக்கிறேன்! அதுபோலவே படத்திற்கு பெரும் பங்களிப்பு செய்த “ஜம்பு அண்ணன்” ”திருப்பூர் சேர்தளம் தலைவர் வெயிலான், பி.ஆர்.ஓ முரளிகுமார் அவர்களுக்கும் உறுப்பினகளுக்கும் நண்பன்“சங்கீத்குமார்” “ஒளிப்பதிவாளர் சங்கர்” “போன் குணா” சைலோ கார் கொடுத்த அண்ணன் எல்லோருக்கும் நன்றிகள்!

படத்தை பாருங்கள் உங்கள் கருத்துக்களை கூறுங்கள்!
">>ABDULLAAH SIVA DANIEL SHORT FILM

">நிகழ்ச்சி பகுதி1

">நிகழ்ச்சி பகுதி2

">நிகழ்ச்சி பகுதி3

">நிகழ்ச்சி பகுதி4

”நாளைய இயக்குனரில்” எனது குறும்படம் “பசி” 13.03.11

2011-03-14T06:08:00.000-07:00

நண்பர்களே நாளைய இயக்குனர் நிகழ்ச்சியில் கால் இறுதிக்குமுந்தைய ”டிராஜிடி சுற்றில்” ஒளிபரப்பான எனது குறும்படம் “பசி”. இக்குறும்படம் எழுத்தாளர் கே.ராஜாராம் அவர்களின் பசி சிறுகதையை அடிப்படையாக வைத்து எடுக்கப்பட்டது.
சோகமான கதை என்றவுடன் சிறுகதை புத்தகங்களை அடுக்கடுக்காக புரட்டியதில் சோகமே மிஞ்சியது.
எனது குறும்பட ஆக்கத்திற்கு தேவையானற்போல் எதும் அமையவில்லை.
நண்பர் பக்ருதீன் கே.ராஜாராம் அவர்களின் இந்த கதையை கூறினார்.பளிச் என்று இருந்த ஒரு ஐடியா எனக்குபிடித்திருந்தது.
படப்பிடிப்பிற்காக ஒரு தொடக்கப்பள்ளியில் அனுமதிகேட்டு போக அந்த அனுமதிவால் நீண்டுகொண்டேபோய் சென்னையில் நின்றது.

இனி முடியாது வேறுகதை எடுத்துக்கொள்ளலாம் என்றிருந்தபோது ஆபத்பாந்தனாய் உதவினார் படத்தின் கேமராமேன் ஷங்கர். அவரது ஊரான சத்தியமங்கலத்தில் படத்தை முடித்தோம்.

படத்தை பாருங்கள் உங்கள் மேலான விமர்சனத்தை பதிவு செய்யுங்கள்.
நன்றி!

">குறும்படம்

தொலைக்காட்சி நிகழ்ச்சி ">பகுதி1

">பகுதி2

”நாளைய இயக்குனரில்” எனது குறும்படம் “மரண அடி” 30.01.11

2011-02-04T22:10:00.000-08:00

நண்பர்களே நாளைய இயக்குனர் நிகழ்ச்சியில் இரண்டாவது போட்டி சுற்றுக்கான எனது பிரிவு “எழுத்தாளர்களின் சிறுகதையை அடிப்படையாக கொண்ட படம்” அதற்காக நான் எடுத்த படம் “மரண அடி”. எழுத்தாளர் ச.அறிவழகன்.

எழுத்தாளர் சிறுகதை என்றவுடன் எளிதாக ஏதேனுமொரு கதையை எடுத்துவிடலாமென்றென்னியிருந்தது தவறு என்று புரிய பத்து நாள் ஆனது.
பெரும் குழப்பம் பிடித்து ஆட்டியது. இறுதியாக எஸ்.சங்கரநாராயணன் சார் அவர்கள் எழுத்தாளர் ச.அறிவழகன் அவர்களின் மரண அடி சிறுகதையை பரிந்துரைத்தார். எனக்கு அந்த கதையிலும் பிடிப்பு ஏற்படாதிருந்தபோது நலன் சார் அவர்கள் உறுதியாக ”இந்த கதையை எடு ரவி” என்றார்.
கதையை பரிந்துரைத்த எஸ்.சங்கரநாராயணன் சார் அவர்களே எழுத்தாளர் ச.அறிவழகன் அவர்களை 10ஆண்டுகளாக சந்திக்க இயலாமல் இருந்தார். முகவரி மாறியதால் தொடர்பும், தொடர்பு எண்னும் விடுபட்டு போயிருந்தது.
இந்த கதையை படமாக்க எழுத்தாளர் ச.அறிவழகன் அவரிடம் அனுமதி வாங்கவேண்டி நான் முயர்ச்சித்து அவரது தொடர்பை கண்டுபிடித்தேன். தோழர் ராமு அவர்கள்தான் அதற்கு உதவினார். அவருக்கு நன்றி! டப்பிடிப்புக்கு முந்தைய நாள்தான் கதையின் எழுத்துப்பிரதி கிடைத்தது.

கதையில் எனக்கு ஏற்றாற்போல மாற்றியமைத்து படமாக்கினேன்.

படப்பிடிப்பு ஒருநாளிலே முடிந்தது. கிராபிக்ஸ் வேலைகள் மட்டும் 15நாள் பிடித்தது. படத்தில் எரியும் நெருப்பு 60% கிராபிக்ஸ்தான். பிணம் எழுவதும், முகத்தில் ஊறும் ஈயும் கிராபிக்ஸ்ல்தான் போட்டோம். கிராபிக்ஸ் ஜெகதீஸ். படத்தில் வெட்டியாணாக நடித்த தோழர் ராமு அவர்கள் ஏற்கனவே “பூ” படத்தில் பேனாக்காரராக நடித்திருக்கிறார். மகனாக நடித்த ரமேஷ் சென்னை சூரியன் எப்.எம்,இல் ரேடியோ ஜாக்கியாய இருக்கிறார்.

கிராபிக்ஸ்- ஜெகதீஸ் 9994506013
ஒளிப்பதிவு-அரவிந்குமார் 9894593945
இசை-வசந்த் 9600883888
படத்தொகுப்பு-ராம் 9843788198
இயக்கம்-ரவிக்குமார் 9894982525

பார்த்துவிட்டு உங்கள்
மேலான கருத்துக்களை கூறுங்கள்!

">மரண அடி

தொலைக்காட்சி நிகழ்ச்சி முழுதும்.

">பகுதி-1

">பகுதி-2

">பகுதி-3

">பகுதி-4

போஸ்டர் நாளைய இயக்குனர் இரண்டாவது சுற்று

2010-12-05T08:33:00.000-08:00

நண்பர்களே கலைஞர் தொலைக்காட்சியின் “நாளைய இயக்குனர்” நிகழ்ச்சியின் இரண்டாவது போட்டி சுற்றில் எனக்கு கொடுக்கபட்ட பிரிவு “போலீஸ்”.
போலீஸ் என்றது எந்த மாதிரி படம் எடுக்கலாம் என்று பல யோசனைகள் முடிவுக்கு வருவதென்பது பெரும்பாடாய்போய்விட்டது.
எப்படியும் உடன்வரக்கூடிய போட்டியாளர்கள் “காக்க காக்க” போல என்கவுண்டர்களாய் போட்டு தள்ளுவார்கள் என்று புலப்பட்டது.

ஓகே நம்ம படத்துல துப்பாக்கியே வரக்கூடாது என்று முடிவு செய்தேன்.
அதற்காக ரொம்பவும் காமெடி படமும் பண்ண முடியாது ஏன்னா எனக்கு காமெடி படம் எடுக்க வருமானு எனக்கே தெரியாது.
எழுத்தாளர்களது சிறுகதைகளை அடிப்படையாய் வைத்தே குறும்படம் செய்வதென்பது நான் முன்பே திட்டமிட்ட முடிவு.

முந்தைய படம் போல எ.எ.ஹெச்.கே கோரி அவ்ர்களது சிறுகதைகளை புரட்டியதில் எதிற்பார்ப்புக்கு ஈடாகவில்லை.
அப்படி,இப்படி யோசனை அதற்கிடையே கேபிள் சங்கர் சாரிடம் கதைபற்றி கேட்கையில் அவர் “போஸ்டர்” கதையை பரிந்துரைத்தார்.
இதற்கிடையே போலி என்கவுண்டர் கதை ஒன்றும் மனதில் உறுவேறிக்கொண்டிருந்தது.

சரி என்கவுண்டர் வேண்டாம் துப்பாக்கி இல்லாது நினைத்தபடியே இருந்த “போஸ்டர்” சிறுகதையையே படம் எடுக்க முடிவு செய்தேன்.
கேபிள் சங்கர் சாரே திரைக்கதை அமைத்து தருகிறேன் என்றார்.
கதை,திரைக்கதை,வசனம் கேபிள் சங்கர் என்று டைட்டில் கார்டு மனதில் ஓடியது.

முழு படப்பிடிப்பும் திருப்பூரில் எங்க ஏரியாவிலேயே எடுக்கப்பட்டது.
படத்தில் வரும் வீடு எங்க வீடு, அங்கிருக்கும் இரண்டு பெண்களாய் இடையே நடந்து போவது ஒன்று நான்,மற்றொன்று நண்பர் ராம் (ஆர்டிஸ்ட் செலவு மிச்சம்)
இரவு நேரப்படப்பிடிப்பு அதிகாலை 4மணியை தொட்டது. போலீஸ் ஜீப்பில் இருக்கும் சைரன் லைட்கூட கிரபிக்ஸ்ல் போட்டதுதான்.
இடையே நிஜமாலும்! போலீஸ் வந்து போலீஸ் ஜீப், டிரஸ் சகிதம் ரோட்டிலே நிக்கற எங்களிடம் எதாவது பிரச்சனை ந்டக்குமோனு பயத்துலயேதான் படம் எடுத்தேன், ஏன்னா ஒட்டீருக்கற போஸ்டர் அப்பிடி!!!

எப்படியோ இரண்டு நாள் சூட்டிங் முடிந்தது.எடிட்டிங் முடிந்து முழு திருப்தி இல்லை.இன்ஸ்பெக்டராய் நடித்தவருக்கு கேபிள் சங்கர் சார்தான் டப்பிங் கொடுத்தார் அதனாலேயே நடிப்பிலிருந்த குறை மறைக்கப்பட்டது.டப்பிங் போதுதான் சென்னை வந்து கேபிள் சங்கர் சாரிடம் படத்தை காண்பித்தேன், உள்ளூர ஒரு பயம் கதையை அவர்நினைத்தது போல் அல்லாமல் சொதப்பல்னு கமெண்ட் வாங்கீருவனே என்று. படம் பார்த்தார் சில குறைகளை சுட்டிக்காண்பித்தார். எனக்கும் சரியாவே பட்டது. அதானே வளர்ச்சி!
கதை சுவாரஸ்யமாக இருக்கும் மேக்கிங் பற்றிய குறைகள் தெரியாது என்று நினைத்தேன் அது போலவே நிகழ்ச்சியில் படமும் நல்ல கமெண்ட் வாங்கிருச்சு.
இதிலிருந்து பல விசயங்களை கத்துக்கிட்டேன்.

எழுத்து-பி.சங்கர்நாராயணன் (கேபிள் சங்கர்)
இயக்கம்-ஆர்.ரவிக்குமார்
ஒளிப்பதிவு-அரவிந்குமார்
இசை-வசந்த்
எடிட்டிங்-ராம்
கிராபிக்ஸ்-ஜெகதீஸ்

படம் பாருங்கள் உங்கள் கருத்துக்களை சொல்லுங்களேன்!

">poster short film

(தொலைக்காட்சியில் வந்த முழு நிகழ்ச்சியும் கீழே)

">பகுதி1

">பகுதி2
">
பகுதி3
">
பகுதி4

”நாளைய இயக்குனரில்” நண்பன் ராம் 24.10.2010

2010-11-30T21:44:00.000-08:00

கலைஞர் தொலைக்காட்சி நாளைய இயக்குனர் நிகழ்ச்சியில் நானும் என் நண்பன் ராமுவும் பங்கேற்றிருக்கிறோம். அதன் இரண்டாவது சுற்றில் “காதல்” தலைப்பில் எனது நண்பன் ராம் எடுத்த படம் “பிப்ரவரி 14” 2டி அனிமேசனினில் உண்மை பிம்பங்களை ஒன்றினைத்து உருவாக்கினேம்.
நான் இந்த படத்தில் இணை இயக்குனராக பணியாற்றினேன். 2டி அனிமேசன் வேலைகளை ராமும் 3டி அனிமேசன் வேலைகளை நண்பன் ஜெகதீஸ்ம் மேற்கொண்டார்கள்.ஓளிப்பதிவு அரவிந்குமார், படத்தொகுப்பு,இயக்கம் ராம்
கதை உருவாக்கத்தில் நண்பன் ஏ.ஆர்.கே.சரவண் உதவி செய்தார்.
இந்த படம் திரையிட்ட போது நடுவர்கள் மதன் அவர்களும் , பிரதாப்போத்தன் அவர்களும் மிக சிறப்பாக பாராட்டினார்கள் நிகழ்ச்சியையும் நடுவர்களின் கருத்துக்களையும் கீழே இணைத்துள்ள வீடியோவில் பாருங்கள் உங்கள் மேலான கருத்துக்களை கூறுங்கள்!

">பகுதி1

">பகுதி2

">பகுதி3

">பகுதி4

நன்றி!

”நாளைய இயக்குனரில்” நான்

2010-09-29T09:02:00.000-07:00

நண்பர்களே ”நாளைய இயக்குனரில்” நான் பங்கேற்ற நிகழ்ச்சி கடந்த 26.09.10 அன்று ஒளிபரப்பானது. நிகழ்ச்சியை தொலைக்காட்சியில் தவறவிட்ட நண்பர்கள் இதோ இங்கே பாருங்கள்: உங்களது மேலான விமர்சனத்தை பின்னூட்டுங்கள்!

இந்த குறும்படத்தின் கதை எ.எ.ஹெச்.கே.கோரி அவர்களின் “சொர்க்கம் பக்கத்தில்” சிறுகதை தழுவியதாகும். ஒளிபரப்பில் முன்னும்,பின்னும் வரும் டைட்டில் கார்டை எடிட் செய்துவிட்டார்கள்.
திரைக்கதை,வசனம்,இயக்கம் மட்டுமே யாம்!

படத்தின் வீடியோ;

நிகழ்ச்சி வீடியோ;
">part1

">part2

">part3
">
part4

">part5

அடுத்த சுற்று எனக்கு போலீஸ் ஸ்டோரி பிரிவு அதைகாண இரண்டுமாதம் பொறுத்தறுள்க!நன்றி!

”நாளைய இயக்குனரில்” நானும், என் நண்பன் ராமுவும்

2010-09-06T02:34:00.000-07:00

கலைஞர் தொலைகாட்சியின் “நாளைய இயக்குனர்” நிகழ்ச்சியில் நானும் என் நண்பன் ராம் பங்கேற்றுள்ளேம். ராம் பங்கேற்ற நிகழ்வு 22.08.10ல் ஒளிபரப்பானது. அந்நிகழ்வின் வீடியோ கீழே:

பார்த்துவிட்டு உங்களின் கருத்துக்களை பின்னூட்டுங்கள். நன்றி!

நான் கலந்து கொண்ட நிகழ்வு வருகிற செப்26 ஞாயிறு அன்று ஒளிபரப்பாகும் கா.....ணத்தவறா...தீர்கள்!

துரோகசாமி!

2010-07-15T04:50:00.000-07:00

வரலாறு கூறும்!

நீ குடித்து முடித்த
டீ கிளாசை
இரு கையாலும்
ஏந்திக் கொண்ட தோழன்

உன் நாற்காலிக்காக
தன் நரம்புகளை
பின்னக் கொடுத்த தோழன்...

பட்டினி கிடந்தாலும்
உன் பசியாற்றி,
பயணப்படியோடு
வழியனுப்பிய தோழன்

உலகைக் குலுக்கும்
செங்கொடி உயர்த்தி,
உண்டியல் குலுக்கி உனை
வேட்பாளராக்கிய தோழன்....

கோடிகளை சுருட்டும்
கோமான்களை எதிர்க்க
உன்னை கோட்டைக்கு
அனுப்பிய தோழன்

எல்லாம் மறந்த
என் முன்னாள் தோழா!

முதலாளித்துவத்திற்கு
பரிவட்டம் கட்டி
பல்லக்கு தூக்க
முதுகு காட்டிவிட்டாய்!

இட்ட பெயர் உனக்கு
எதுவாகவும் இருக்கலாம்!

தொழிலாள் வர்க்கத்திற்கு
துரோகம் இழைத்த உன்னை
வரலாறு பதிவு செய்யும்
“துரோகசாமி”
என்றே!
-க.பாலபாரதி (நன்றி-தீக்கதிர்)

லீவு

2010-05-23T00:32:00.000-07:00

அதிகாலை நேரத்து இளஞ்சூரியன். தளிர்விடும் எழுமிச்சைசெடியின் இலைவழி சொட்டும் நீரில் மினுமினுத்தது.
செல்வம் அதற்குள்ளாகவே குளித்து ரெடியாகிவிட்டான். தேங்காய் எண்ணைபாட்டிலை குப்புறகவிழ்த்து தட்டி உள்ளங்கை பிசுபிசுப்பை தலையில் தேய்த்துக்கொண்டான்.பழுப்பேறிய கண்ணாடியில் அவன் முகம் பிரகாசமாய் மின்னியது.அவன் மனதுக்குள் ஒரே சிந்தனை.
ஒரு மாதமகவே பள்ளிக்கூடலீவு விட்டு பசங்க எல்லாம் மைதானத்துல விளையாட ஆரம்பிச்சுட்டனுக, தானும் அவங்ககூட வெளையாடனும்னு செல்வத்துக்கு கொள்ளைஆசை ஆனா ஒருமாசமா ஒருநாள்கூட லீவுவிடாம வேலை.எப்ப லீவு விடுவாங்களே, ஓடிப்போய் ஆசையா செம்மண்ல பொரண்டு விளையாடனும், லீவு முடுஞ்சா பசங்க எல்லாம் ஸ்கூலுக்கு ஓடிருவங்க. தலைவாரிய சீப்பை ஜன்னலிடுக்கில் சொருகிவிட்டு,சோத்துக்கூடையோடு வெளியேவந்தான்.

பொடக்காலியில் குளிக்கும் சத்தம் சோப்பு நுரையோடு வெளியேருகிறது.
வெளிவந்த செல்வம் பாசி பிடித்த சிமெண்ட்தொட்டியின் அடியில் ஏதோ துலாவுகிறான், அவன் தேடியது அகப்படக்காணேம் குழப்பமுற்றவனாய் “யம்மா.. இங்க தொட்டிக்கடிய வெச்சுருந்த என்னோட பந்த காணேம் அத பாத்தியா?”
”வேலைக்கு போறவனுக்கு எதுக்குடா பந்து” பொடக்காலிக்குள் இருந்து குரல்.
”இல்லமா சும்மாதா..”
“அது ஜன்னல்மேல இருக்கற போசிக்குள்ள இருக்கும் பாரு”
ஆவல் மேலிட ஓடிச்சென்று பந்தை எடுத்து கூடைக்குள் போட்டுக்கொள்கிறான்.
“மா போய்ட்டு வறேன்”

கூடையின் காதுகளை வலதுகையில் பிடித்து ஆட்டியபடியே சாலையோரமாய் செல்கிறான்.
மைதானத்தை நெருங்குவதற்குள்ளாகவே வெளையாட்டுச்சத்தம் “ஓ”வென எதிரொலிக்கிறது.
அந்த மைதானத்தின் சூழ்நிலைக்கு சற்றும் பொருந்தாதவாறு சாப்பாட்டுக்கூடையோடு அங்கு நின்று பார்த்துக்கொண்டிருக்கிறான். கும்பலாய் அங்கங்கு கிரிக்கெட் விளையாட்டு நடக்கிறது. மட்டையால் பலத்த அடிவாங்கிய பந்து ஒன்று கதறியவாறு அவன் காலடிவந்து விழுகிறது. பந்தை கையிலெடுத்துப்பார்த்து தூக்கி எறிகிறான்.கூட்டத்திலிருந்து ஒருவன் “டேய் செல்வா வெளையாடவரியா ஒரு ஆள் பத்தல” என்கிறான்
இவன்பதிலை எதிர்நோக்கி பார்ப்பவன் “என்னடா வர்ரயா?” என்கிறான்
செல்வம் தலையை மட்டும் இடம்,வலமாக ஆட்டியவாறு தலைகவிழ்ந்து அங்கிருந்து நகர்கிறான். சற்று தூரம் செல்பவன்
கூடையிலிருந்த பந்தை எடுத்து தரையில் தட்டியவாறு செல்கிறான்.

கம்பெனிக்குள் நுழைந்ததும் சாப்பாட்டுக்கூடையில் பந்தை வைத்தான். “இங்கு குழந்தைத்தொழிலாளர்கள் பணியில் இல்லை” என்ற வாசகம் சுண்ணாம்பு பூச்சுக்குள் மறைந்திருந்தது. எல்லோருக்கும் முன்னதாகவே வந்துவிடுவான், கம்பெனியை கூட்டி சுத்தம் செய்தான், அதற்கு சம்பளத்தில் 50ரூபாய் சேரும்.
கூட்டி வழித்த குப்பைகளை கொட்டிவிட்டு நிமிர்வதற்குள் வேலையாட்கள்வரத்தொடங்கிவிட்டார்கள். வேலை ஆரம்பித்துவிட்டது.
ஓயாத இயந்திரஇரைச்சல். பிராணவாயுவோடு பஞ்சுதூசும் பாதியளவு கலந்த்திருக்கிறது. அது ஒரு உள்நாட்டிற்கு தேவையான ஜட்டி,பனியன்களை உற்பத்தி செய்யும் கம்பெனி. வருடம் முழுவதும் வேலை.நொடியும்பரபரப்பு.நோம்பிக்கு மட்டுமே லீவு கிடைக்கும்.செல்வத்தைபோல நான்கு பேர் அங்கு வேலைசெய்கிறார்கள் அவர்களில் இவன்மட்டுமே இளையவன். மதியத்தை நெருங்குவதற்குள் டீ வாங்கிவற இரண்டுமுறை அனுப்பப்பட்டான்.

சாப்பாட்டு நேரம் நெருங்கிக்கொண்டிருந்தது. செல்வத்துக்கு வேலையில் நாட்டமில்லை சிந்தனை முழுதும் மைதானத்தில் புரண்டுகொண்டிருந்தது. தைத்துபோடும் பனியனை விரித்து அடுக்குவதும்,அதை சைஸ்வாரியாக தனித்தனியாய் கட்டிவைப்பதும் அவன் வேலை. உடனுக்குடன் செய்யவேண்டிய வேலை கொஞ்சம் அசந்தாலும் தைத்துபோடும் பனியன் ”ஸ்டாக்” ஆகி மலைபோல் குவிந்துவிடும், அப்புறம் ”கான்ரேட்”காரனின் வசவை வாங்கிகட்டிக்கொண்டு சாப்பாட்டு நேரத்தையும் இழக்கவேண்டிவரும்.

செல்வத்தின் முன்னால் பனியன்கள் தேங்க ஆரம்பித்தன. ஒரு சுரத்தையில்லாமல் இருந்தான். அவனருகில் அடுக்கும் ஆனந்து செல்வத்தை பார்த்தவாறு “டேய் என்னடா இத்தனை பீச ஸ்டாக் போட்ட?” என்றான்
செல்வம் தான் ’நடந்துவந்தகதையை’ அவனிடம் கூற அவன் பெரியமனுசனைப்போல “ஆமான்டா நானும் எங்க அத்தை வீட்டுக்குபோய் ஆத்துல குளிக்கனும்னு போன நோம்பில இருந்துபாக்கறேன் போகவேமுடிலடா ஒருநாள் லீவு கெடைச்சா போதும் நானும்தான் பாத்துட்டே இருக்கேன்” என்று சொல்லிமுடிக்க செல்வம் தன் சோப்பிலிருந்து ஆரஞ்சுமுட்டாயை அவனுக்கு கொடுக்கிரான்,சிரித்தாற்போல் வாங்கி வாயிலிட்டுக்கொள்பவன் செல்வத்தின் ஸ்டாக்குகளை கடகடவென அடுக்கிதருகிறான்.

வேலை அப்படியே தொடர்ந்துகொண்டிருக்க,அப்போதுவந்த ஒரு டெலிபோனால் திடீரென கம்பெனி பரபரப்புக்குள்ளாகிறது.வேலை நிறுத்தப்படுகிறது, வேலை செய்பவர்கள் ஆளாளுக்கு ஏதோ பேசிக்கொள்கிறார்கள். பேச்சின் ஊடாக எல்லோரது பார்வையும் செல்வத்தின் மேல் நிலைகொள்கிறது. அமர்ந்திருக்கும் செல்வம் தலையை இருபுறமும் திருப்பி என்னவென்று அறிய,ஆர்வம் மேலிட பார்க்கிறான்.பக்கத்திலிருக்கும் ஆனந்திடம் கேட்க “செக்கிங்கு ஆபீஸர் வராங்க்ளாமாடா..வந்தாங்கன்னா வேலைசெய்யற சின்னப்பசங்கள புடுச்சுட்டு போய்ருவாங்கடா!” என்கிறான்
செல்வத்துக்கு படபடப்பு ஏற்பட ஆனந்தை பார்க்கிறான், “பயப்படாதடா..எனக்கு இப்ப பதினைஞ்சு வயசுக்கு மேல ஆச்சு நா சின்னப்பயன்ல வேலைசெய்யறப்ப இதேமாதிரிதான் ஒருக்கா செக்கிங்கு வந்தாங்க அபோ ஓனர் எனக்கு லிவு குடுத்து பின் கேட்டு வழியாதாட்டி வீட்டுட்டாரு இப்ப பாரு உன்னைய போக சொல்லீருவாரு” என்கிறான். அவன் கடைசியாக சொன்ன வார்த்தைதான் செல்வத்துக்கு சந்தோசத்தை கொடுத்தது.

செல்வத்துக்கு கற்பனை பலவண்ணங்களில் பூக்க ஆரம்பித்தது, அவன் மனம் மைதானத்தின் புழுதிக்குள் புரள ஆரம்பித்தது.கால்கள் நிலைகொள்ள மறுத்தன, மனப்பரபரப்பு அதிகமாகியது. கான்ராக்ட்காரன் கூப்பிட்டதுகூட அவன் காதில் விழவில்லை. ஆனந்து அவனை உலுக்கியதும்தான் சுய நினைவுக்கு வந்தான். “டேய் செல்வம் இங்க எந்துருச்சு வாடா!” என்ற கான்ராக்ட்காரனின் குரல் வழக்கத்துக்குமாறாக சந்தோசத்தை கொடுத்தது.

எழுந்துசெல்பவன் திரும்பி ஆனந்தை பார்த்து தலையாட்டி சிரித்தபடி போகிறான்.
“இங்க வா” என்று செல்வத்தின் கரம்பற்றிஇழுத்துச்செல்லும் கான்ராக்ட்காரன் செல்வத்தை கழிவறைக்கு அருகிலுள்ள பழைய துருப்பிடித்த இரும்பு ட்ரம்முக்குள் இறக்கிவிடுகிறான். “இங்க பார்றா நா வந்து ட்ரம்மை தொறக்கறவரைக்கு சத்தம் போடாம உள்ளயே இருக்கனும் ம்.. ஆபீஸர் போனதும் வந்துருவேன் சரியா! கம்முனு உக்காந்திரு மூச்!” ட்ரம்மை மூடிவிட்டு செல்கிறான்.
சுற்றிலும் இருள்!

“கண்ணாமூச்சி”-எனது புதிய குறும்படம்

2010-02-06T23:46:00.000-08:00

கதைகளை படிப்பதிலிருந்தோ, நேரும் எதோனும் சம்பவத்திலிருந்தோ, பார்க்கும் எதாவது படத்திலிருந்தோ சதா கதைகள் உற்பத்தியாகிக்கொண்டே இருக்கிறது.
உற்பத்தியாகும் கதைகள் பல ஓரிருநாட்களில் நீர்த்துப்போய்விடுகின்றன. அப்படியும் மனதிலேயே நிற்கும்ஒன்றை முழுவடிவம் கொடுத்து படமாக்குவதென்பது எனது வேலைச்சூல்நிலைக்குட்பட்டுத்தான், காத்திருந்துஅதிலிருந்து தேறும் ஒன்றை குறும்படமாக்குகிறேன்.

தற்போது “கண்ணாமூச்சி” என்று ஒரு குறும்படம்.

ஞாயிற்றுக்கிழமைகளில் மட்டுமே படப்பிடிப்பு, நண்பர்களே நடிகர்கள்,பழகுமிடங்களே லொகேசன்,கையில் கேண்டி கேமிரா,வேறென்ன செய்ய அதுதானே சாத்தியமாகிறது.

நான் எழுதும் கதை!?களுக்கு திரைவடிவம் கொடுத்துப்பதன்மூலம் ‘திரைமொழியை’ கற்றுக்கொள்ளும் முயற்சி!

ஆனால் இது மட்டுமே போதாதுதான்! இன்னும் நிறைய செய்யவேண்டும் எழுத்தாளர்களது கதைகளைக்கொண்டு குறும்படங்களைச் செய்யவேண்டும். அவசியமான தொழில்நுட்பங்களை பயன்படுத்தவேண்டும். திரைமொழியை கைக்கொள்ளவேண்டும், பலரையும் ஆச்சர்யப்படுத்தவேண்டும், எனக்கும் நிறைய ஆசையிருக்கிறதுதான்!

இந்த குறும்படத்தைப்பற்றி தோழர் மாதவராஜ் அவர்கள் தனது தீராதபக்கங்கள் தளத்தில் அறிமுகப்படுத்தி கருத்துக்களை பகிர்ந்துகண்டதோடு பலநூற்றுக்கணக்கானேர் பார்க்கும் வாய்ப்பை ஏற்படுத்திதந்தார். அதுபோலவே நண்பர் முரளிகுமார் பத்மநாபன் அவர்களும் தனது அன்பேசிவம் தளத்தில் கண்ணாமூச்சி குறும்படத்தை அறிமுகப்படுத்தியிருந்தார், அதுபோல புதியதலைமுறை உதவி ஆசிரியர் கல்யாண்குமார் அவர்கள் தனது உதயம் தளத்தில் அறிமுகப்படுத்தியிருந்தார் அவர்களுக்கும் இந்த பதிவின் மூலமாக நன்றியை தெவித்துக்கொள்கிறேன்!

நண்பர்களே! இந்த படத்தை பருங்கள், உங்களது மேலான கருத்துக்களை பகிர்ந்துகொள்ளுங்கள்,அதுவே என்னை செம்மைப்படுத்தும்.
காத்திருக்கிறேன்...........

Kannamoochi
by mathavaraj">

திருப்பூர் புத்தககண்காட்சியில் குறும்படங்கள் திரையிடல்

2010-02-02T05:11:00.000-08:00

திருப்பூரில் நாளைமுதல் பிப்7வரை மாபெரும் 7வது புத்தககண்காட்சி மிகசிறப்பாக நடைபெற்றுவருகிறது. புத்தக பிரியர்களும், குறும்பட ஆர்வலர்களும் பெருமளவு கலந்துகொண்டு வருகிறார்கள், இந்நிகழ்வில் தினமும் மாலை 4மணி முதல் 6மணி வரை உலகப்படங்களும்,குறும்படங்களும் திரையிடப்பட்டு வருகிறது.

குறும்பட அரங்கு புத்தககண்காட்சி நுழைவாயிலுக்கு அருகில் முதல் தளத்தில் அமைக்கப்பட்டுள்ளது.

அனைவரும் வருக! நிகழ்வை சிறப்பித்து தருக!

திரையிடப்பட்டுவரும் குறும்பட,ஆவணப்பட,உலகப்பட அட்டவணை கீழே காண்க
***********************************************************************************

பாக்கியம் சங்கர் கவிதைகள்

2010-01-07T00:31:00.000-08:00

இந்தவார ஆனந்தவிகடனில் எனது அன்புநண்பர் பாக்கியம் சங்கர் அவர்களின் கவிதைகள் வெளிவந்துள்ளன.

ஆனந்தவிகடன் கையில் இல்லையா?! இதோ அந்த கவிதைகளை இங்க படீங்க பாஸ்!

மன்னிக்காதீர்கள் நண்பர்களே!
*********************************
முடிக்கப் பெறாத கட்டடத்தின்
மேல் மாடியில்
அகாலத்தில் அழுதுகொண்டிருக்கிறாள்
காக்காணி நிலமென்றாலும்
தன் பூமி தன் வாழ்வென
கர்வம்கொண்டிருந்தவள்
எல்லாம் பொய்த்துப் போனபின்
சித்தாள் வேலை செய்துகொண்டிருக்கிறாள்
நிரம்பப் போதையில்
மேஸ்திரி ஜாடை காட்ட
இந்தச் சோறும் போய்விடுமோவென
போர்வைக்குள் நுழைந்துகொள்கிறாள்
எந்த நாதியுமற்ற அவள்!
**********************************************

சலீல் செளத்ரியின் பாடல் கேட்டபடியே
இரவுகளை வாழ்ந்துகொண்டிருக்கிறான் தேசாந்திரி
கூடாரத்தின் இந்தப் பக்கமும் அந்தப் பக்கமும்
ஒளிந்து விளையாடும் பிள்ளைகள்
ஜில்லிடும் இப்பொழுதில்
சூடாகச் சாயா குடிக்கும்
இவ் வம்சத்தின் மூத்த கிழவன்
அலைந்து திரியும் இப் பறவைகளுக்குக்
கூடும் இல்லை வேர்களும் இல்லை
இதைப்பற்றிய விசனமும் இல்லை!
****************************************************

ஏன் இப்படி என்றேன்
ஏன் கூடாது என்றாள்
இந் நிலவொளியில் என் மடிகிடந்து
கதைப்பாயா என்று கேட்டேன்
அடக்க மாட்டாமல் சிரித்தவள்
நீ கவிஞனா எனக் கேட்டாள்
இந்தத் தொழிலுக்கு ஏன் வந்தாய் என்றேன்
பிடிச்சிருக்கு என்றாள்
மேலும் கேட்கத் தோணாமல்
அவள் மடி புதைந்தேன்
என்னை ஆற்றுப்படுத்தியவள்
சிரித்தபடியே இருந்தாள்
தேவதைகள் அவ்வப்போது
காட்சியளித்துக்கொண்டுதான் இருக்கிறார்கள்!
*************************************************************

டவுனுக்குப் போகலாமென்றிருந்தது
பொரித்த புரோட்டாக்களைச்
சொல்லிவிட்டு காத்துக்கொண்டிருந்தேன்
களைந்த கேசமும் வெறித்த கண்களுமென
ஆடைகளற்றுத் தேமேவென
சாயா கேட்டுக்கொண்டிருந்தான்
பால்ய காலத்து நண்பன் கனகசுப்ரமணி
பயங் கலந்தபடி அவ்வப்போது
என்னைப் பார்த்துக்கொண்டே
முகம் முழுக்கச் சாப்பிட்டுக்கொண்டிருந்தான்
சில ரூபாய் தாள்களை திணித்துவிட்டு
ஏதும் செய்ய இயலாதபடிக்கு நகர்ந்துவிட்டேன்
பெருங்குரலெடுத்து ஓலமிட்டான் நண்பன்
உலகத் துன்பத்தின் ஒட்டுமொத்தக் குரலாக
அது இருந்தது!
************************************************************

மூச்சுக்கு முந்நூறு தடவை
ஓடுகிறாள் சாடுகிறாள்
அவளின் வயதொத்த பெண்ணின்
கால்களைக் கழுவுகிறாள்
பெடிக்யூர் என மொழிபெயர்க்கிறாள்
அவளின் எஜமானி
பூ வரைந்த தட்டுக்களையும்
விதவிதமான குவளைகளையும்
பத்திரமாகத் துடைத்துவைக்கிறாள்
தனக்கேன ஒதுக்கப்பட்ட
அலுமினியத் தட்டில்
கறிச்சோறும் புளிக்கறியும் இருந்தாலும்
தேமேவென உண்கிறாள்
எஜமானர்கள் வெளிக் கிளம்ப
சுருண்டுகொள்ளும் பூனையாட்டம்
அயர்ந்து உறங்குகிறாள்
ஒரு பிணத்தைப்போல!
**************************************************

இப்படியாக
நாம் கடந்து செல்லும்
இம் மனிதர்களைப்பற்றி
கவிதை எழுதிக்கொண்டிருக்கும்
இந்தக் கையாலாகாதவனை
மன்னிக்காதீர்கள் நண்பர்களே
பார்வையாளன்
ஒருபோதும் பங்கேற்பாளனாக
முடியாதென்பதை
நீங்களும் அறிவீர்கள்தானே! . (நன்றி-ஆனந்தவிகடன்)
**********************************

திருப்பூரில் "கலைஇரவு”கோலாகலம்- ஒரு பதிவு

2010-01-01T11:59:00.000-08:00

ஓயாத இயந்திர இரைச்சல்களுக்கு மத்தியில் ஆயாசமாக அலைகிறது மனம். அவ்வப்போது இலக்கிய அமர்வுகளும், இலக்கிய நண்பர்களுடனான சந்திப்புகளுமே கலை சார்ந்த எம்மனதிற்கு நிறைவளிப்பதாய் அமைகிறது.
ஒவ்வொரு நிகழ்ச்சியிலும் நிகழ்வு முடிந்தபின்பான நண்பர்களுடனான அரட்டை களைகட்டும், உற்சாகமும்,புதுஎண்ணமுமாய் மனமும்,அறிவும் வண்ணமயமாகும்! அப்போது நேரம் ஒன்றே பிரிவினைவாத சக்தி!

வெறுமையை போக்கி மனதை பசுமையாய் ஆக்கும் இதுபோன்ற நிகழ்வுகளை கண்டாலே உள்ளம் குதியாட்டம் போடுகிறது.

அந்த வகையில் த.மு.எ.க.ச.வின் கலைஇரவு பற்றிய அறிவிப்பு மிக நல்லதொரு நிகழ்வை காணபோகும் ஆர்வத்தை தூண்டியது.

திருப்பூரின் மிக முக்கியமான நாள், சம்பள நாள். நகரமே பரபரப்பாய் இருக்கும்போது சனிக்கிழமை மாலை நடக்கும் கலைஇரவை எத்தனைபேர் கண்டுகொள்ளப்போகிறார்கள் என்றெண்ணியிருந்தேன்.

என் நினைப்பை தவிடுபொடியாக்கும் வகையில் அன்றுமாலை ஆயிரக்கணக்காணோர் கூடியிருந்தது மிகப்பரவசமாய் இருந்தது!

அடுத்தது இத்தனைபேர் ஆரம்பத்தில் கூடியிருந்தது மகிழ்ச்சி என்றாலும் நிகழ்ச்சி முடிவுவரை இத்துனைபேரும் கலையாமல் இருந்தால்தானே... ஒருவேளை கலைந்துவிட்டால்...? பார்ப்போம் (நிகழ்ச்சியின் வரவேற்புக்குழுவில் நானும் இருக்கிறேனென்றாலும் அப்போதைக்கு எனக்கு எந்த வேலையும் இல்லை) நானும் மக்களோடு அமர்ந்து நிகழ்ச்சியை காணத்துவங்கினேன்.

முதல் நிகழ்வாக கவிநயா பரதநாட்டிய குழுவினரின் பரதம் அரங்கேரியது.

சிறுவர், சிறுமியரின் கலை ஆர்வம் மெச்சத்தகுந்ததே! குழுவாய் ஒருங்கிணைந்து செயல்படுவதில் சிக்கல் இருக்கிறது போலும்,

இன்னும் ஒன்றிரண்டு அரங்கேற்றம் கண்டார்களேயானால் திறமை மிளிரும்!

அடுத்து வேலாஇளங்கோ அவர்களின் குழுவினரின் நாட்டுப்புறப்பாடல் மிக இனிமையாக இருந்தது், அதிலும் திண்டுக்கல் ராஜலட்சுமியின் “குரல்” நாலாப்புறமும் பட்டெதிரொலித்தது! சூழலுக்கு ஏற்றாற்போல் சொந்தவார்த்தைகளை போட்டு பாடி அசத்தியது பார்வையாளர்கள் மத்தியில் கரகோசம்.

அடுத்து “திருப்பூர் நாடகக்குழு” வின் “வரிசை” என்ற சமூக அவலம் சாடும் நகைச்சுவை நாடகம் நடந்தது, தோழர் தாண்டவக்கோன் அவர்கள் திறம்பட ஒருங்கிணைத்து நடத்தினார்.

அடுத்து அரங்கம் அதிர பறை அடித்து பரவசப்படுத்தினர் “திண்டுக்கல் சக்தி தப்பாட்டக்குழுவினர்.

பெண்கள் வீணை போன்ற மெல்லிய இசைக்கருவிகளை வாசித்துதான் அநேகம்பேர் பார்த்திருப்போம் ஆனால் அடிவயிரு அதிற,அதிற பறையடித்து ஆடியது நாடி,நரம்புகளில் காலாகாலமாய் அடிமைபடுத்தி வைத்திருக்கும் ஆணாதிக்க சமூகத்திற்கெதிராக கொப்பளித்துப்பொங்கிய கோபமாகவே தோன்றியது!

நிகழ்ச்சியின் இடையிடையே கவிஞர்கள் கோவைசதாசிவம்,இரா.சிந்தன்,தாண்டவக்கோன்,இளையபாரதி,ஜெயராம்,தேவயானை ஆகியோரின் கவிச்சரம் சிந்தனைகளை விதைத்தது. அதிலும் தாண்டவக்கோனின் “அறிவுத்திறப்பு” கவிதை ஒரு சமூக அவலங்களை சாமனியனுடனான கேள்வி நடையில் சாடியது கவனம் ஈர்த்தது!

இரா.சிந்தனின் “புத்தாண்டே வருக” வரும் புத்தாண்டு எவ்வாறு வேண்டும் என்ற சிந்தனின் சிந்தனை மிகவும் சிறப்பு கவிதையை சொல்லும் பாங்கு பார்வையாளர்களை ஈர்க்கும் விதமாய் இருந்தது!

அடுத்து கவிஞரும்,பேச்சாளருமான நந்தலாலா அவர்கள் பேசும்போது பாரதியாரைப்பற்றியும்,பாரதிதாசனைப்பற்றியும் பல்வேறு நுட்பமான தகவல்களை தனக்கே உரித்தான நகைச்சுவை உணர்வோடு எடுத்துரைத்தமை அந்தபொழுதை பயனுள்ளதாக்கியது

அடுத்து உரைவீச்சு. த.மு.எ.க.ச பொதுச்செயலாளர் ச.தமிழ்ச்செல்வன் அவர்கள் தமக்கே உரித்தான மிக இயல்பான நடையில் நறுக்கென்று கருத்துக்களை பதித்தார். “எதையும் இரண்டாக பார்க்கவேண்டும், இருவேறு கருத்தோட்டத்தை புரிந்து கொள்வது பற்றி சிறப்பாக எடுத்துரைத்தார், மேலும் தமிழில் பல்கலைக்கழகங்களில் “மானுடவியல்”என்ற ஒரு துறை இல்லாமலிருக்கிறது அதை தோற்றுவிக்கவேண்டும் என்றும் கூறினார்.

உலகத்தமிழ் செம்மொழி மாநாட்டை வரவேற்கிறோம் என்றும், இந்த சூழ்நிலையில் த.மு.எ.க.ச கேட்டுக்கொள்வதாக மைசூரில் மத்திய அரசின் தொல்லியல் சார்ந்த நிறுவனத்தில் கேட்பாரற்று கிடக்கும் பிராமி தமிழ் எழுத்து கல்வெட்டை ஆராய வேண்டும், ஆட்சிமொழியாக தமிழ் மொழியை நடைமுறைப்படுத்தவேண்டும் என்றும் வேண்டுகோள் விடுத்தார். மேலும் சமச்சீர் கல்விப்பாடத்திட்டத்தில் பெரியாரி்ன் கருத்துக்களுக்கும், மூடநம்பிக்கை எதிர்ப்பு பாடத்தி்ற்கும் எதிர்ப்பு தெரிவிக்கும் ராமகோபாலனை முற்போக்காளர்கள் கண்டிக்கவேண்டும் என்றும் மிகச்சிறப்பாக உரை நிகழ்த்தினார்.
அடுத்த நிகழ்வாக மேடையில் மூன்று குறும்படங்கள் வெளியிடப்பட்டன
என்னுடைய குறும்படம் “கண்ணாமூச்சி” தமிழ்செல்வன் தோழர் அவர்கள் வெளியிட்டார். (படத்தில் பின்னால் கண்ணாடி அணிந்து நிற்பவர் என் நண்பரும் படத்தின் எடிட்டருமான தே.ராம்)

கார்த்தியின் ‘(க)தண்ணீர்தேசம்’,இரணியனின் ‘சரஸ்வதி ஒரு தரம்’ வெளி்யிடப்பட்டன.

மணி12 நள்ளிரவு. நிகழ்ச்சி அறிவிப்பாளர் அடுத்த நிகழ்வு தஞ்சை s.p.பாஸ்கரின் பலகுரல் என்று அறிவித்தார், “பலகுரலா...! சரி எழுந்து போய் ஒரு டீ சாப்பிட்டு வரலாமென எழுந்து சென்றேன். டீயை ஆர்வமாய் குடிக்கமுற்பட ஒலிபெருக்கியில் மிருதங்க இசை கணீர் என்று கேட்டது. மேடையை நோக்க பாஸ்கர் மட்டுமே நின்றிருந்தார் கையில் எந்த இசைக்கருவியும் இல்லை, அவர் தன் வாயிலேயே பல்வேறு இசைக்கருவிகளை மிக அற்புதமாக இசைத்துக்காட்டி ஆச்சர்யப்படுத்தினார் . மிருதங்கத்திற்கும்,கஞ்சிராவிற்கும்,மோர்சிங்கிற்கும் இடையே நடந்த மும்முனை போட்டிக்கசேரி, அதிஅற்புதமான அனுபவமாய் இருந்தது. பலகுரல் என்று சினிமா நடிகர்களின் குரலையே ஓயாது ஒப்பிக்கும் கூட்டத்தை சேர்ந்தவனல்ல நான் என்று காட்டினார். அதோடு அவர் பேசுகையில் தமிழ்நாட்டில் நாட்டுப்புற இசைக்கலைஞர்களை சாதிஅடிப்படையில் அவமானப்படுத்தும் சூழலே உள்ளது, அவர்களுக்கு உரியமரியாதை இல்லையென்று வருத்தப்பட்டது கவலையளிக்கத்தக்கதாய் இருந்தது. ஆம் உள்ளபடியே இது வெட்ககேடான விசயமாகும்!

அடுத்து இரண்டு மணி நேரத்திற்க்கு கூட்டத்தை கட்டிப்போட்ட நிகழ்ச்சிகள்..........................

-அடுத்த பதிவில் முடிக்கிறேன்!

வந்தது புத்தாண்டு!

2009-12-31T21:30:00.000-08:00

(நன்றி: ஆனந்தவிகடன்)

ஒவ்வொரு ஆண்டுப்பிறப்புக்கும் அன்பிற்கினிவர்களுக்கிடையே எத்தனை,எத்தனை வாழ்த்து பரிமாறல்!

புது ஆண்டின் மீது நமக்கு எத்தனை எதிர்பார்ப்புகள்.

இந்த ஒருநாள் நிகழ்வுகள் யாவும் திரும்ப,திரும்ப ஒவ்வோரு ஆண்டும் மறுபிரயோகம் செய்யப்படுகிறது.

அரசியல் தலைவர்களின் சராமாரி வாழ்த்துக்கள்,

அடேயப்பா! இவர்களுக்கு இதுபோலவெல்லாம் கூட ஆசை இருக்கிறதா என எண்ணுமளவு ஆட்சியாளர்களின் வாழ்த்து மழை நம்மை நனைத்து தெப்பலாக்கிவிடுகிறது!

கொடூர கொலைகாரனை கேட்டால் கூட ‘நாட்டி்ல் அமைதியும்,வளமும்,அன்பும் தழைத்தோங்க வாழ்த்துக்கள்’ என்பான். பாதகர்கள்!!!

(கார்டூன்: தே.ராம்)

இயற்கையை பாதுகாப்போம்! மனிதனை நேசிப்போம்!

சேர்த்தவர்களுக்கு நட்சத்திர விடுதியிலும்,

சோர்ந்தவர்களுக்கு நட்சத்திரங்களுக்கு அடியிலும் புலரும் இந்த புத்தாண்டு ஏதாவது செய்துவிடும் எனற நம்பிக்கை உள்ள அனைவருக்கும்!

ஹி..ஹி...ஹி..

“புத்தாண்டு நல் வாழ்த்துக்கள்!”

கானகத்தின் குரலாய் கோவைசதாசிவத்தின் “உயிர்ப்புதையல்”

2009-12-07T23:16:00.000-08:00

கோவைசதாசிவம், கவிஞராகவும்,ஆவணப்பட இயக்குனராகவும்,சூழலிய்ல் ஆர்வலராகவும் பரிணமித்து வருபவர். இயற்கையை அதன் நுட்பங்களை கவிமனத்தோடு ஒன்றி தன் படைப்புகளில் வெளிக்கொணரும் சிறந்த படைப்பாளி!

எற்கனவே “பின்னல் நகரம்”, “வேரடி மண்”, “இரை”, “திசைகளைத்தேடி”, “அறைக்குள் வந்த வெளி” என்று அடர்த்தியான கவிதை தொகுப்புகளும்.

“மண்”, “மயிலு”, “சிட்டு” என்று ஆவணப்படங்களும் எடுத்துள்ளார்.

இப்படைப்புகள் யாவிலும் மேலோங்கி நிற்பது மனிதநேயமும், பிற உயிரினங்கள் மீதான நேசமும்,சுற்றுச்சூழல் பிரச்சனைகளுமே.

இவரது சமீபத்து வரவான “உயிர்ப்புதையல்” காடும், காடு சார்ந்த உலகமுமானது. சூழலில் சார்ந்த கட்டுரைகளின் தொகுப்பு.

இந்த புத்தகத்தை நான் வாங்கி வரும் போதே ‘எதோ காட்ட பத்தி எழுதிருப்பாரு.. ப்ச.. அப்புறமா படிக்கலாம்னு’ அசட்டையாக விட்டுவிட்டேன் .

புத்தகம் என் கண்ணெதிரேயே இரண்டு நாட்கள் கிடந்தது.

பிறகொருநாள் இரவு தூக்க கலக்கத்தில் தான் புத்தகத்தை எடுக்க நேர்ந்தது, படித்தேன்.

முதல் கட்டுரையை வாசிக்க தொடங்கியதும் கானகத்தின் ஊடாக செல்வது போன்றொரு உணர்வு ஆட்கொண்டது. பிறகு மெல்ல,மெல்ல அறைக்குள் சருகுகள் உதிரத்தொடங்கின.

இந்தியாவில் அதிகம் ம்ழை பெய்யும் இடம் எது...?

உங்களுக்கும் எனக்கும் தெரியும். ஆம் “சிரபுஞ்சி”தான்

தமிழகத்தில் அதிகம் மழை பெய்யும் இடம் எது?

அது..... “தேவாலா”. நீலகிரியில் கூடலூருக்கு அருகில் உள்ளது.

32 ஆண்டுக்கு முன் ஆண்டுக்கு 120 நாட்கள் மழை பெய்த இடம்,

ஆனால் இன்று சராசரியாக 30 நாட்களுக்கும் குறைவுதானாம்

என்ன நேர்ந்தது “தேவாலா”வுக்கு?

படுக்கையில் இருந்து எழுந்து உட்காந்தேன்.

அடுத்தடுத்த கட்டுரையை வாசிக்க,வாசிக்க உட்கார கூட முடியவில்லை.

விதைநெல்லை பற்றி வாசிக்கையில் வேளாண் மக்களின் பண்பாட்டு அடையாளங்களின் ஒன்றான விதைநெல் இன்று பன்னாட்டு கம்பெனிகளான மான் சாண்டோ போன்ற பெருமுதலாளிகளின் லாப வெறிக்கு இரையாவதும், நம் விவசாய நிலமும், வளமும் பறிபோவதும் கண்டு உள்ளபடியே மனம் பரிதவிக்கிறது. மரபணு மாற்ற தொழில் நுட்பம் நம் பயிர்வகைகளை அழிக்கும் முன் ஒன்றிணைந்து ஓங்கி குரல் கொடுப்போம்.!என்று மனம் உந்தியது.

நீரலானது உலகு கட்டுரை வாசிக்கையில் ஆதி நதிகளை நாம் இன்று பாதி நதியாக்கி உள்ளது கண்டு மனம் பதறியது.

“ஆலா மர பஸ் ஸ்டாப் கிட்டே வந்துருங்க” என்று நாம் கலாகாலமாக அடையாளப்படுத்தி வந்த ஆலமரங்கள் இன்று அழிந்து காங்கிரீட் காடுகளாய் மாறி வரும் சூழலில், அந்த ஆலமரங்களிடம் இத்தனை ஆற்றலா?!! என்று வியப்பளிக்கிறது.!

அருகி வரும் இருவாச்சிகள் கட்டுரை இரு பறவைகளை மையப்படுத்தி எடுக்கப்பட்ட திரைப்படத்தைப்போல சுவாரஸ்யமானதாய் இருக்கிறது. இருவாச்சி பறவைக்கு தமிழில் “மலைமொங்கான்” என்று பெயராம், அவற்றின் வாழ்க்கை முறை படிக்க,படிக்க ஆச்சர்யம்!

மனிதனுக்கு மட்டுமே ஆறறிவாம் யார் சொன்னது? இருவாச்சிகளின் வாழ்க்கை முறை பற்றி படித்து பாருங்கள் உண்மையிலேயேவியந்து விடுவீர்கள்.

கானகம் ஒரு கருவூலம், உயிர்களிடத்தில்...., புல்வெளி மீது வரையாடுகள், இராகுல்ஜியின் நூல்-ஒரு மீள்பார்வை என்று தொடருகிறது கட்டுரை.

நொய்யல்:உயிரூட்ட வேண்டிய நதி கட்டுரையில் மனம் நிலைகுத்தி நின்றது. வளமாய் வாழ்ந்த நதி. என் வயதொத்த இந்த குறுகிய காலத்திலே சாக்கடையாய் மாறி போனதே! மனம் குமுறுகிறது. என்ன செய்ய?!!

நொய்யலின் ஆதி வரலாறு படிக்க,படிக்க சிலிர்க்கிறது! கி.மு.3-ஆம் நூற்றாண்டிலேயே கிரேக்கர், ரோமர், யூதர், அரேபியர் போன்ற அயல்நாட்டு வணிகர்கள் நொய்யல் நதிக்கரை மக்களோடு வணிக உறவு கொண்டிருந்தனர் என்பது கண் முன் காவியக்காட்சியாக விரிகிறது.

நதிக்கரையோரம் நாகரீகம் வளர்ந்ததாம், அப்படி வளர்ந்த நாகரீகம் இன்று நதியை கரைகாணசெய்யாது அழித்து வருகிறது.

இன்றைய நாகரீக கழிவுகள் ஆற்றில் மலையென குவிந்து மாசுபடுத்திவருகிறது.
உயிரினங்கள் நிலத்தையும்,நீரையும்,காற்றையும் வாழ்விடமாக பயன்படுத்த, மனிதன் மட்டுமே மூன்றையும் தனது சுயலாபத்துக்காக பயன்படுத்தி இன்று அழிவு நிலைக்கு கொண்டுவந்துள்ளது கோரம்!
நீலகிரி நிலச்சரிவுக்கு வேறென்ன காரணமாய் இருக்கும்?

நொய்யலில் கலக்கும் கழிவில் என் கழிவும் கலந்தே இருக்கிறது என்பது கடும் குற்ற உணர்ச்சியில் ஆழ்த்துகிறது.

ஆடையின் வண்ணம்,அளவு,நேர்த்தி,வேலைப்பாடுகள் என்று எல்லவற்றையும் அங்கிருந்தே “ஆர்டர்” இடும் பெருமுதலாளி அததற்க்கு உண்டான இயந்திரங்களையும் அவனே தயாரித்தும் அனுப்புகிறான், ஆனால் இறுதிக்கழிவுகளை அழித்தொழிக்கவோ, மறுசுழற்ச்சி செய்ய இயந்திரம் எதும் கண்டுபிடித்ததாய் காணோம்!

அனுப்பும் பனியனில் கேடுவிளைவிக்கும் நச்சு கலந்திருக்கிறது “முதலாளி” கோபித்துக்கொண்டார் என்று முன்பொரு சமயம் ஒரு குறிப்பிட்ட அழுக்கு நீக்கும் ஆயிலை ஒட்டுமொத்த பனியன் நிறுவனங்களும்தவிர்த்தன அது இன்று வரையிலும் தொடர்கிறது.

ஆனால் பெருகும் நீர்,நில,காற்று மாசுபாட்டால் இன்னும் சிலகாலத்தில் திருப்பூரில் தயாரித்து அனுப்பும் எல்லா பனியனிலும் நச்சு கலந்திருக்கிறது என்று முதலாளி ஆர்டரை கேன்சல் செய்வார் சாதாரணமாக, பிறகு நிலமும் இருக்காது தொழிலும் இருக்காது.

முடிந்தால் கவசஅறை கட்டி பனியன் தயாரிக்கும் சூத்திரம் தயாரித்து அனுப்புவார் நம்மவர்க்கு.

ஆமாமா பின்ன செய்யும் தொழிலே தெய்வமன்றோ!

அடுத்தடுத்த கட்டுரைகளை வசிக்க மனசு ஒருமாதிரி ஆகிவிட்டது. யானைகளின் வ்ழித்தடத்தை அழித்து, அதன் வாழ்வை சிதைத்து வரும் பதிவுகளை கண்ணீரோடுதான் உள்வாங்கமுடிகிறது.

கோவைசதாசிவம் அவர்கள் வார்த்தைகளோடு ,வார்த்தைகளால் விவரிக்கமுடியாத ஒரு நிலைக்கு நம்மை அழைத்துசென்றுவிடுகிறார். குற்றவுணர்ச்சிக்கு மனம் ஆட்பட்டுவிடுகிறது.

முன்பொரு சமயம் நகரில் அனுப்பர்பளையத்தில் நடந்த ஒரு இலக்கிய அமர்வில் கோவைசதாசிவம் அவர்கள் “அவன் காட்டைவென்றான்” என்றொரு மொழிபெயர்ப்பு குறுநாவலை கதையாய் விவரித்தார் அவர் கதையை விவரித்த விதம் அடேயப்பா...! மெய் சிலிர்த்தது, காட்டுமரங்களின் ஒவ்வொரு அசைவுக்கும்,சிறுபறவைகளின் சப்தங்களுக்கும் எத்தனை,எத்தனை அர்த்தங்கள்.இத்தனைக்கும் அந்த கதை ஒரு கிழவனையும்,அவனது வளர்ப்பு பிராணியான நிறைமாத பன்றியையும் பற்றியதுதான். ஆனால் கதை நடக்கும் இடம் “காடு”

இயல்பாகவே கானகத்தை பற்றியும்,கானக உயிரினங்களைபற்றியும் கோவைசதாசிவம் அவர்களுக்கு உள்ள மட்டற்ற ஆர்வம் அவரது அன்றைய நிகழ்விலும் வெளிப்பட்டது.

பிறகு நான் அந்த புத்தகத்தை வாங்கி படித்து ஏமாந்தேன். ஏனெனில் அவர் விவரித்த காடும்,உயிரினங்களும்,சூழலும் என் கற்பனையில் வரவே இல்லை.

இந்த தொகுப்பிலும் அதுபோலவே பிரச்சனைகளை முன்பே நீங்கள் அறிந்திருந்தாலும் அவர் விவரிக்கும் விதம் உண்மையிலேயே பிரச்சனையை நீங்கள் நெருக்கமாக,நேரடியாக உணர முடியும். அது வெறுமனே அனுபவத்திற்காக மட்டுமல்ல!

கட்டுரையில் ஓரிடத்தில் “சமவெளியில் ஏராளமான மரங்களை நட்டு நாம் தோப்புகளை வேண்டுமானால் உருவாக்கலாம் ஒருபோதும் காடுகளை மனிதன் உருவாக்க முடியாது” என்ற வரி மனதை விட்டகலா நிற்கிறது!!!

தூக்கம் தொலைந்தது.ஒரு நல்ல புத்தகம் மனதுக்குள் என்னவெல்லாம் செய்யுமென்று அன்றிரவு உணர்ந்துகொண்டேன்.கோவைசதாசிவம் அவர்களின் வார்த்தை பிரயோகம் நம்மனங்களை கிளறி இயற்கயின்பால் ஆர்வத்தை உந்துகிறது.அனுபவித்து பாருங்கள்!

காலையில் உலகமே எனதாய் பட்டது! சுற்றிலும் இயந்திரகதியில் மனிதர்கள், இயற்கை என்னிடம் மட்டும் எதோ சொல்வதுபோல இருந்தது. எதாவது செய்யவேண்டும்!

என்ன செய்ய போகிறேன்(றோம்)?

கோவைசதாசிவம்@
4/610குறுஞ்சிநகர்
வீரபாண்டி போஸ்ட்
திருப்பூர்641602
பேச:9965075221

வெளியீடு:
வெளிச்சம் வெளியீட்டகம்
1447,அவினாசி சாலை
பிளமேடு
கோயமுத்தூர்641004
போன்:0422-4370945

நான் ஒரு நட்பு விரும்பி

2009-11-08T05:48:00.000-08:00

எல்லோருக்குமே மிக இனிமயான பொழுது நண்பர்களோடு களித்ததாகத்தான் இருக்கும். சிலருக்கு நண்பர்கள் நண்பன் என்ற அளவு என்று சுருங்கி இருக்கலாம். எனக்கு அளவான நண்பர்கள்தாம்.
எதிர்ப்படும் எல்லோருமே நண்பர்களாகவே இருக்கிறார்கள். ரொம்பவும் சுலபமானது நண்பர்களை பெறுவதென்றாலும்,ரொம்பவும் கஷ்டமானது நல்ல நண்பர்களை பெறுவதுதாம். அந்த வகையில் நான் கொடுத்துவைத்தவன்தான்.

பள்ளி,கல்லூரி, பணிநிமிர்த்தம் தாண்டியும் தொடர்ந்துகொண்டிருக்கிறேன். நட்பு வளர்க்க மிக சிறந்த கருவி செல்போன் தான். முகம் காணமலே வருடக்கணக்கில் குரலோடு பழகி பிறிதொரு சமயம் சந்திக்க நேரும்போது அப்பப்பா! எவ்வளவு சிலிர்ப்பானது.

ஒவ்வொரு புது நண்பர்களை பெரும்போதெல்லாம் இவர்களை நான் சந்திக்க ஏன் இவ்வளவு காலம் ஆனதென்று நினைப்பேன். அடிப்படையில் எல்லோருமே நல்ல மனிதர்கள், நல்ல நண்பர்கள்தாம் அவரவர் கருத்துக்களோடு அவர்தம்மை ஏற்றுக்கொள்ளும் போது எந்த பிரச்சனையும் இல்லை. கருத்து திணிப்பு தான் உறவுகளில் சிக்கல்களை எற்படுத்துகிறது.

என் நண்பனிடம் அவனிடம் எனக்கு உறுத்தும் விஷயத்தை நேரிடையாக கூறுவேன் அவன் எற்றுக்கொள்ளாத பட்சத்தில் அந்த உறுத்தும் விஷயத்தால் அவனுக்கு பாதிப்பு எற்பட்டாவண்ணம் நிச்சயம் உடனிருப்பேன்.

காரணமின்றி பிரியும் நண்பனால் கடும் வேதனை.
எதிர்பார்ப்போடுகொள்வது நிச்சயம் நட்பாய் நிலைக்காது என்று உண்ர்ந்துகொண்டேன்.

நண்பர்கள் என் ஆயிட்காலம் முலுவதும் நட்பாய் நீடிக்க சந்தர்ப்பங்களில் நானே இறங்கிவர எனக்கு தயக்கமே இல்லை.

இந்த பதிவுலகம் மூலமாக நண்பர்களையே பெற விரும்புகறேன். இனி என் மகிழ்ச்சியும், நெகிழ்ச்சியும், வருத்தமும், துக்கமும் உங்களோடு பகிர்ந்துகொள்கிறேன். ஏற்றுக்கொள்ளுங்கள் என்னை உங்கள் நண்பனாக.....

என் முதல் பதிவு

2009-11-07T00:51:00.002-08:00

எல்லோருக்கும் வணக்கம், இது என் முதல் பதிவு.. உங்கள் ஆதரவை நாடும்
ரவிக்குமார் திருப்பூர்